劉大元雜文集1998-1999
|
烏日 ／ 劉大元 天狗食日
彼一日
各種神教的精神領袖
因為新聞的吵鬧…煞
孤不二衷來採取行動
新聞吵鬧講︰這擺是
本世紀呀1999年最後呀
尚尾一擺的烏日頭
趕緊呀趕緊！時日無外濟
佇風琴的聖詩樂聲催趕之下
信徒擠佇聖堂祈禱再祈禱
唔是祈禱救主來下凡
更唔是祈禱生囝傳香爐
只干單祈禱再祈禱
烏日的暗爽kap非常
非常來渡生
暗爽佇無辜
因為干單在烏暗的日時
眾生煞平等
烏面對烏日
烏日對烏面
烏面對烏面
烏對烏…哈！
非常鎮定中
烏魯木齊
攏仝款 一九九九年八月十一日的烏日子，耶卡吽市
|
.
|
O Jit / Lau Taigoan thian kau chia jit
hit chit jit
ko chiong sin kau e chin-sin leng-siu
in-ui sin-bun e chha nau ... soah
ko-put-ji-chiong lai chhai chhu heng-tong
sin-bun chha nau kong: chit pai si
pun se-ki ah 1999 ni choe-au ah
siong boe chit pai e o jit thau
koaN-kin ah koaN-kin! si jit bo goa che
ti hong-khim e seng-si gak-siaN chhui koaN chi ha
sin-to chiN ti seng-tong ki-to chai ki-to
m-si ki-to kiu-chu lai ha hoan
ia m-si ki-to seN kiaN thoan hioN-lo
chi kan-taN ki-to chai ki-to
o jit e am song kap hui siong
hui siong lai to seng
am song ti bu ko
in-ui kan-taN chai o-am e jit si
chiong-seng soah peng-teng
o min tui o jit
o jit tui o min
o min tui o min
o tui o ...hah!
hui siong chin teng tiong
o-lok-bok-che
long kang-khoan August 1999, eclipse, El Cajon
|